वसुंधरेचा गत इतिहास

पुनश्च प्रभूनाम 2018-09-22 06:00:16

**********

लेखक- श्री. प्रभुनाम

वसुंधरेचा जन्म नेमका कसा झाला हे अद्याप नीटसं समजलं नसलं, तरी तो किमान ३ अब्ज म्हणजे ३०० कोटी वर्षांपूर्वी झाला असला पाहिजे अशी खात्री भूशास्त्रज्ञ देतात. जन्मल्या वेळी वसुंधरा ही एक तप्त गोळा होती आणि हा तप्त गोल पुढे कोट्यवधी वर्षे सावकाशपणे निवत होता. त्यानंतर पृथ्वीच्या पृष्ठभागावर खडकाचं कवच तयार झालं. पृष्ठभाग बराचसा थंड झाल्यानंतर वातावरणातील पाण्याची वाफही थंड होऊन मुसळधार पावसाला सुरुवात झाली आणि पृथ्वीच्या पृष्ठभागावर ठिकठिकाणी मोठमोठे जलाशय तयार झाले. हेच अगदी सुरुवातीचे सागर होत. आणि याच जलाशयातून वसुंधरेच्या पाठीवर आढळणाऱ्या जीवसृष्टीचा उगम झाला.

जीवसृष्टीचा उदय झाल्यानंतर पुढे सजीवांचा कसकसा विकास होत गेला, त्यात कोणकोणते बदल घडून आले, त्यातून नवीन जाती तयार होत होत अखेर आज दिसणारे असंख्य प्रकारचे प्राणी आणि वनस्पती कशा अस्तित्वात आल्या, याचा मागोवा घ्यावयाचा म्हणजेच वसुंधरेच्या गत इतिहासाचा अभ्यास करावयाचा. या गत इतिहासाची माहिती मिळविण्याची साधने कोणकोणती आहेत हे पाहणे मोठे मनोरंजक आहे.

तुमच्यापैकी कित्येकजण रोज नियमानं रोजनिशी लिहीत असाल. तसंच पूर्वी राजेरजवाडे यांच्या दरबारच्या हकीकती बखरीतून लिहून ठेवलेल्या सापडतात. त्यावरून त्या त्या काळचा सुसंगत गतेतिहास लावता येतो. वसुंधरेनं सुद्धा अशाच प्रकारची रोजनिशी लिहून ठेवली आहे. मात्र वसुंधरेच्या लिखाणाची भाषा आणि लिपी मात्र सांकेतिक भाषेसारखी फार अवघड आणि किचकट आहे. इतिहास संशोधकांना जसे जुने जुने कागदपत्र मोठ्या कष्टाने जमा करून आणि त्यातील भाषेचा आणि लिपीचा अभ्यास करून जुन्या घटनांना सुसंगत अर्थ लावावा लागतो तसेच परिश्रम भूशास्त्रज्ञांना पृथ्वीचा गत इतिहास समजून घेण्यासाठी क ...

हा लेख पूर्ण वाचायचा आहे? सोपं आहे. एकतर * मोफत सभासदत्व !* ' घ्या किंवा आपण विद्यमान सभासद असाल तर कृपया लॉगिन करा .

माहिती , सृष्टीज्ञान , प्रभूनाम