दरवर्षीप्रमाणे यंदा सुद्धा दिवाळीच्या दिवसात दिल्ली प्रदूषणाने वेढली गेली. इतकी की शाळांना काही दिवस सक्तीची सुट्टी द्यावी लागली. महाराष्ट्रात निवडणूक निकालांच्या पाठोपाठ सत्तास्पर्धेची धामधूम चालूच असली तरी, राजधानी दिल्लीतील या दुरावस्थेची दखल आपल्या सहा वृत्तपत्रांनी अग्रलेखात घेतली आहे. बाकी सत्ता स्थापनेतील घोळ हा तर संपादकांचा आवडीचा विषय. त्यामुळे सगळ्यांनी तो मनसोक्त चघळला नसल्यासच नवल. महाराष्ट्र टाईम्स, लोकमत, तरुण भारत बेळगाव यांनी तर एका आठवड्यात दोन-दोनदा त्याचा समाचार घेतला आहे. बाकी शिवसेनेचाच मुख्यमंत्री होणे ही कशी महाराष्ट्राच्या जनतेची मागणी आहे, यावर हास्यास्पद अग्रलेख, दैनिक सामना सोडून कोण लिहिणार ? याशिवाय सेनेची बाजू कशी न्याय्य आहे यावर स्वतंत्र अग्रलेख आणि राजीनामा दिलेले फडणवीस कसे काळजीवाहू आहेत यावर खिल्ली उडवणारा स्वतंत्र अग्रलेख लिहून संजय राऊतांनी धमाल उडवून दिली. अर्थात सामनातले असे अग्रलेख प्रामुख्याने शिवसैनिकांसाठी लिहिले जात असल्याने त्यांचा एकंदर बाज सेनेच्या प्रकृतीला साजेसा असतो. इकडे संघाचे मुखपत्र मानल्या जाणाऱ्या तरुण भारत नागपूरने लागोपाठ दोन दिवस अग्रलेख लिहून संजय राऊतांचा समाचार घेतला आहे. मी सामनातील अग्रलेख वाचत नाही असं देवेंद्र फडणवीस पूर्वी म्हणाले होते. त्याचा राग मनात ठेवून, गेल्या आठवड्यात राऊतांनी मला तरुण भारत या नावाचे वृत्तपत्र आठवत नाही, असा जवाब दिला. त्यामुळे शिवसेना आणि भाजपमधील युद्ध इथे सामना विरुद्ध तरुण भारत असे बघायला मिळाले. अर्थात राऊतांच्या भाषेची बरोबरी त्यांना करता आलेली नाही. याखेरीज कर्तारपूर कॉरीडॉर शीख भाविकांसाठी सुरु करतानाच पाकिस्तानने मार्गावर खालसा अतिरेकी भिंद्रनवालेची पोस्टर्स लावून ज ...
हा लेख पूर्ण वाचायचा आहे? सोपं आहे. एकतर * मोफत सभासदत्व !* ' घ्या किंवा आपण विद्यमान सभासद असाल तर कृपया लॉगिन करा .
and then add to homescreen